“Hüquqlarımızla böyüyək” proqramının növbəti buraxılışı 13 yanvar tarixində Green Start Academy-nin Youtube kanalının canlı yayımında, layihə rəhbəri Güləsər Səfərovanın təqdimatında baş tutdu.
Mövzusu “Ailə-məişət məsələləri”nə həsr edilmiş budəfəki proqramda Mediasiya Şurasının üzvü – mediator Aqşin Məmmədli və Ahəng Psixologiya Reablitasiya və İnkişaf Mərkəzinin direktoru, ailə-uşaq psixoloqu Vüsalə Əmiraslanova qonaq qismində iştirak edirdi.
Proqramın gedişində mövzuyla bağlı bir çox məsələlər müzakirə olundu. Həmçinin izləyicilər tərəfindən proqram vasitəsilə mütəxəssislərə ünvanlanan suallar da cavablandırıldı.
“Ailə-məişət məsələləri”nə həsr olunmuş proqram çərçivəsində GSA əməkdaşları tərəfindən şəhər sakinləri arasında sorğu keçirildi və izləyicilər tərəfindən maraqla qarşılandı.
“Hüquqlarımızla Böyüyək” proqramının məqsədi, vətəndaşlarımızın hüquqlarının qorunması, onların öz hüquqlarını dərindən mənimsəməsi naminə nəzərdə tutulmuşdur. Ümid edirik ki, bu proqram vasitəsilə insanlar bir çox hüquq qaydalarını və onların normativ üsullarını öyrənmiş olacaqlar.
