Maarifləndirici və inkişafetdirici konfrans və təlimlər təşkil etməklə, təhsil ictimaiyyətini nəzəri cəhətdən silahlandırmaq və onlara praktiki cəhətdən təcrübə qazandırmağı məqsəd kimi qarşısına qoyan Green Start Academy komandası bu gündən beynəlxalq konfranslarla bağlı fəaliyyətini yenidən davam etdirir. Belə ki, təhsil ictimaiyyətini məlumatlandırmaq, həmçinin onların iştirakını beynəlxalq konfrans və seminarlarda təmin etməklə, təhsil səviyyəmizi yüksəltməyə nail olmaq üçün bu gündən etibarən təkcə dünyanın ən önəmli təhsil, səhiyyə, texnologiya və digər sahələri əhatə edən sərgilər və beynəlxalq layihələr haqda məlumatları da bizim vasitəmizlə öyrənə bilərsiniz.
Bu günədək təşkilatımız tərəfindən beynəlxalq tədbirlərə bir çox iştirakçı göndərilib. Bu ölkələr sırasına Avropa və Asiya ölkələri olmaqla, Cənubi və Şimali Amerikanın bir sıra ölkələrini də daxil etmək olar. Bütün bunlar isə əlbəttə ki, dünyanın tanınmış təşkilatları və ali təhsil müəssisələri ilə əməkdaşlıq çərçivəsində baş tutmuşdur. Bu yaxınlarda isə daha bir əməkdaşlıq çərçivəsində Cənubi Koreya Respublikasında baş tutacaq daha bir beynəlxalq konfransın qonağı olacağıq. Bundan əlavə 7-8-9 sentyabr tarixlərində Meksika şəhərinin Mexiko şəhərində təşkil olunmuş “THE GREEN EXPO 2021” adlı beynəlxalq konqresin iştirakçısı da olmuşuq.
Məqsədimiz tanınmış beynəlxalq təşkilatlarla əməkdaşlıq çərçivəsində beynəlxalq konfransların təşkili ilə bağlı bir brend olaraq ölkəmizin adını dünyanın təhsildə öndə gedən ölkələri arasına yazdırmaqdır.
