Həyatını təhsilə, elmə, maariflənməyə həsr edən ziyalı xanım Aysel Rəsulzadə Cəbrayıl elinin, Quycaq torpağının yetirməsidir.
Ölkəmizdə, onun hüdudlarından kənarda belə təhsillə, kitabla bağlı istənilən tədbirdə Ayselin və onun komandasının adına rast gəlirik.
Rəhbəri olduğu Green Start Academy təşkilatının bu günkü uğurları onun illərdir təhsil sahəsində topladığı təcrübənin sayəsində ərsəyə gəlmişdir.
Aysel Resulzade və Green Start Academy komandası tez-tez məktəb, şagird, valideyn üçlüyü, gənclərin və yeniyetmələrin asudə vaxtlarının səmərəliliyi, mütaliə bacarıqlarının inkişaf etdirilməsi, kitab təbliğatı, xaricdə yaşayan azərbaycanlılarla təcrübə mübadiləsi və s. mövzularda konfranslar, vebinarlar keçirir, məktəblilər üçün yay düşərgələri təşkil edir, müəllim, valideyn və şagirdlərlə birlikdə akademik gəzintilərə çıxırlar.
?Əməkdar müəllim, türkoloq Nazim Nəsrəddinov:
“Yazılarımın birində Mehdi Mehdizadə ilə bir yerdə digər bir neçə Cəbrayıllının cərgəsində bu qızın da şəkli var idi.
Qəzənfər müəllim maraqlandı ki,bu qız kimdir?
Dedim ki,adını yadınızda saxlayın.Böyük alim olacaq.
05.10.2019.
Daha demədim ki, bu qız – Aysel Rəsulzadə təhsil tariximizi qiymətləndirməyi bacaran
ən yaxşı tədqiqatçılardan biridir”.
Təhsilə, elmə, kitaba verdiyin önəmə, Cəbrayılın, Quycağın adını hər yerdə uca tutduğuna görə ElİMİZ adından sənə təşəkkür edirəm, vətənpərvər insan, savadlı mütəxəssis, elm fədaisi, Aysel Rəsulzadə Valeh qızı!
