Hər zaman bizim gül balalarımızın rahatlığını düşünən Xəzər royonunun Şüvəlan qəsəbəsində yerləşən Cırtdan uşaq düşərgəsi və Green Start Academy əməkdaşlıq çərçivəsində növbəti dəfə Uşaqların Qış Düşərgəsini təşkil etdilər. Üç gün ərzində – 23, 24 və 25 fevral tarixlərində təşkil olunan uşaq düşərgəsində uşaqlar çox əyləncəli və gözəl anlarla dolu bolluca vaxt keçirdilər.
Green Start Academy-nin əməkdaşları Nigar Mahmudova və düşərgənin digər əməkdaşları uşaqları böyük sevinc hissilə – soyuq qış günlərində öz səmimi və isti münasibətləri ilə qarşıladılar. Həmin gün aparıcı qismində çıxış edən, uşaqlar üçün maraqlı aktivitilər təşkil edən Mərkəzin əməkdaşı Şəbnəm xanım ilk öncə şou-əyləncə dolu proqramın açılışını etdi. Şəbnəm xanım proqram haqqında ümumi məlumat verərək, uşaqları proqrama daxil edilən intellektual oyunlar, öyrədici-məntiqi təlimlər barəsində təlimatlandırdı. Daha sonra isə Green Start Academy-nin əməkdaşı və layihə rəhbəri Nigar xanım çıxış edərək, “Süfrə arxasında etik qaydalar” haqqında uşaqlara maraqlı təlim keçdi. Nigar xanım təlimə əsasən rəsm çəkməyi uşaqlara tövsiyə etdi. Uşaqlar da mövzuya aid maraqlı rəsmlər çəkdilər.
Bundan əlavə, Cırtdan uşaq düşərgəsinin uşaqlar üçün təşkil etdiyi proqrama gün ərzində 4 dəfə qidalanma, komfortlu otaqlarda gecə-gündüz istirahət, həkim-pediatr müayinəsi, təmiz havada gəzinti, futbol və basketbol saatı, playstation 4, stolüstü tennis və şahmat, zəngin kitabxanada mütailə saatı, rəngarəng flaşmoblar, ingilis dilində oyun-təlimlər, rəqs təlimi, masterclass, psixoloji və interaktiv oyunlar, hər axşam Cinema time, diskoteka və s. bu kimi maraqlı aktivitilər daxil edilmişdir. Şəbnəm xanımın uşaqlar üçün təşkil etdiyi “Tap görək” oyunu onların böyük marağına səbəb oldu.
Eyni zamanda düşərgənin əməkdaşları Azər bəy, Məhəmməd müəllim, Verbal Uşaq Tədris Mərkəzinin pedaqoqu Lalə xanım və digər zəhmətkeş əməkdaşlar da maraqlı rəqs və aktivitiləri ilə bu 3 günü uşaqlar üçün unudulmaz etdilər. Uşaqlar isə şən mahnılar, şeirlər ifa edərək, düşərgə ilə bağlı təəssüratlarını bölüşüb, bir daha əyləncəli dolu bu məkana gələcəklərini arzuladılar.
