Dünyada və Azərbaycanda baş verən pandemiya səbəbindən kütləvi tədbirlərin ləğv olunması, Green Start Academy kollektivinin qarşısında maneə yaratmadı. Birincilərin, həmçinin şagird, tələbə, müəllim və digər təhsil işçilərinin sevincinə şərik olmaq, ilk dərs günlərini yaddaqalan etmək məqsədilə 15 Sentyabr 2020-ci il saat 17:00 – da “Yeni tədris ilinə Green-lə Start (Academy) ver” şüarı adı altında “Online Bilik Günü” video-konfransı həyata keçiriləcək.
Tədbirdə Azərbaycan Respublikası Təhsil Nazirliyi, Təhsil Nazirliyi yanında İctimai Şura, Azərbaycan Respublikasının Təhsil İnstitutunun rəsmiləri eyni zamanda məktəb direktorları, təhsil ekspertləri, ali və orta məktəb müəllimləri çıxış edərək, təhsil ictimaiyyətini təbrik edəcək.
Əlavə olaraq bölgələrimizdə fəaliyyətdə olan müəllimlərimizin hazırladıqları videoroliklər, şagird və tələbələrin dilindən şeirlər, sonda isə məktəb həyatına ilk qədəm qoyan, bilik dünyasına pəncərəsini açacaq birincilərimiz üçün “İlk zəng” səslənəcək.
