25 dekabr tarixində Mərkəzimizdə təşkil olunan “Sehirli Qış” adlı Yeni il şənliyi xoş təəssüratlarla yadda qalıb.
İlk öncə şənliyin açılışını edən aparıcılar Ella xanım və Zeynəb xanım hər kəsi salamlayaraq, xalqımızı və bütün şənlik iştirakçılarını Dünya Azərbaycanlılarının Həmrəyliyi Günü və Yeni il münasibətilə təbrik etdilər.
Hər iki bayram haqqında məlumat verildikdən sonra Mərkəzimizin direktoru Aysel Rəsulzadəyə söz verildi. Aysel xanım da öz çıxışında hər kəsi salamlayaraq bu iki gözəl bayram münasibətilə hamını ürəkdən təbrik etdi.
Onun Şaxta babaya yazdığı maraqlı məktubu isə hər kəsdə xoş xatirələr oyatdı. Məktubun çox səmimi və gözəl hisslərlə, necə qəlbən yazıldığı o qədər aydın idi ki… Daha sonra Mərkəzin digər həmtəsisçiləri Naibə Xankişiyeva və Günel İsmayılova da hamını bayramlar münasibətilə təbrik etdilər.
Şaxta baba və Qar qızsız da Yeni il şənliyi olar?…. Əlbəttə ki yox. Şənliyimizə xüsusi rəngarənglik qatan Şaxta baba və Qar qızımız da gəldi. Onlar hər kəsi təbrik edərək, hamıya hədiyyələr payladılar. Sonra deyib, gülüb, əylənərək Yeni il tortu da kəsildi. Şənliyimiz oyunsuz da keçmədi.
Şənliyimiz davam edərkən hamıya ayrı-ayrılıqda söz verildi. Qonaqlar və eyni zamanda Green Start Academy ailəsi də bayramlar haqqında öz təbriklərini səsləndirdilər. Şənliyimiz GSA ailəsinin hər bir əməkdaşının pozitiv və isti enerjisindən dolayı çox şən keçdi.
Böyükdən tutumuş kiçiyə qədər hər kəsin qəlbində özünə qarşı saf sevgi hissi qazanmış Green Start Academy sözün əsl mənasında hər kəsə qucaq açacaq qədər geniş ürəyə sahib bir ailədir.
Sehirli qışın bütün soyuq və şaxtalı günləri bir ailə olaraq, bizim isti və səmimi hisslərimizlə ümid edirəm ki, bahar təravətinə qərq olacaqdır. Bayramımız mübarək! Əziz Green Start Academy ailəsi, birlikdə neçə gözəl və uzun illər keçirmək diləyi ilə… Bu birliyimiz və mehribanlığımız daim olsun!
