Hörmətli müəllimlər, sevimli şagirdlər, əziz valideynlər, yeni tədris ili münasibəti ilə sizləri təbrik edirik. Hər birinizə sağlıq və zehin açıqlığı ilə bu ili başa vurmağınızı arzu edirik.
Diləyirik ki, bütün balalar sülh və əmin-amanlıq içində yaşayıb, gözəl təhsil illəri keçirə bilsinlər.
Yeni tədris ilində görkəmli fizik və nəzəriyyəçi Albert Eynşteynin uşaqlara olan müraciətini sizlərlə paylaşırıq.
Əziz uşaqlar!
Unutmayın ki, məktəbdə öyrəndiyiniz möcüzələr bir neçə nəslin, dünyanın bütün ölkələrinin vətəndaşlarının sonsuz səyləri və zəhmətlərinin nəticəsidir. Bütün bunlar sizə əmanət olaraq verilir ki, onları qəbul edib, hörmətlə yanaşıb əlavələrinizi də edib nə vaxtsa öz övladlarınıza ötürəsiniz. Belə olduqda ölümə məhkum olmuş bizlər ölümsüzləşirik – birlikdə əbədi əsərlər ərsəyə gətirmiş oluruq.
Bunu yadda saxlasanız, həyatın və əməyin mənasının nədən ibarət olduğunu anlayacaqsınız, başqa xalqlara və onların tarixinə düzgün yanaşacaqsınız.
